من العاب الفك والتركيب ، مناسبة لسن ٣+ سنين
عربية ميكانوعبارة عن قطع خشبية بيقوم الطفل بتركيبها .. معاها مفك لفك وتركيب القطع .. ودي بتعتبر من افضل المهارات اللي بتقوي عضلات الطفل و تزود تركيزه .. زي مثلا بيفك عكس عقارب الساعة ويربط مع عقارب الساعة ..
ومعاها شاكوش بيضرب بيه الطفل ع قطع معينة بتحدديها ليه ، زي مثلا اضرب ع اللون الاحمر او اضرب ع الكورة الزرقا وده بيقوي تركيزه و بيساعده ع حفظ الالوان بس احب انبه هنا لحاجة ان حفظ الالوان كدا متأخر للطفل واننا نبدأ من عمر سنتين يكون ممتاز .. وبيكون بشكل منفصل ونشاط منفصل عشان ما نشتتش الطفل .. يعني لو وصلنا للمرحلة دي المفروض الطفل يكون اوريدي حافظ الالوان وبيعرف يفرق بينهم كويس ، والفكرة هنا ف الميكانو انه بينمي الجانب البصري مع اختلاف الالوان للقطع ..
من افضل الحاجات اللي عاجباني شخصيا ف الميكانو .. انها بتسمح بجزء تخيلي وابتكاري يقدر من خلاله الطفل يشكل اي حاجة جت ف خياله وده بينمي الجانب الابداعي عند الطفل
من اهم المهارات اللي بيكتسبها الطفل من لعبة عربية الميكانو :
١- تساعد على التركيز
٢- تساعد على تقوية عضلات اليد الدقيقة
٣- تساعد على تعليم الالوان والتميز بينهم
٤- تساعد الطفل علي التخيل والتصور والتفكير والإبداع والتذكر,والتركيز والانتباه والإرادة وزيادة إدراكهم لمفاهيم الأشياء وطبيعة المواد، مما يساعدهم على حل المسائل الحياتية وعلى التفكير المبدع والابتكار
٥- تشجع الطفل على مهاره تركيب القطع وتفكيكها ، وهذا يفيد الطفل من حيث تنميه عضلات اليد وايضا تنميه المهارات البصريه
Comments
Post a Comment