180 Pcs Pattern Blocks Set, Wooden Geometric Shape Puzzle Kindergarten Classic Educational Montessori Tangram Toys for Kids Ages with 24 Pcs Design Cards

من افضل و احلي الالعاب المناسبة من سن ٣ الي ٦ سنوات ، وده السن اللي بنبدأ نعلم فيه الطفل البرمجة ، دي تعتبر اول خطوات البرمجة وطرق حل المشكلات ..
الطفل بيكون عنده كروت ، كل كارت عليه تصميم معين ، ومطلوب من الطفل انه ينفذ التصميم الموجود ف الكارت باستخدام قطع هندسية مختلفة الالوان ..
بتعلم الطفل التركيز ، و طرق حل المشكلات ، و تنمية موهبة التنسيق والتصميم ، و بتعطي مجال للطفل للتحدي والابداع وده اكتر حاجة مطلوبة ف الفترة السنية من ٣ ل ٦ سنوات..
الطفل بيفرح بيها جدا ومابيملش منها ابدا ، ف الاول هيحاول يركب الشكل ولما يحس بفشل هيضايق ، بس دورنا هنا نشجعه بابسط حاجة ولو حتي كون قطعة واحدة ، وبالتدريج هيوصل لافضل نتيجة ..
لما نبدأ نشتغل معاه هنظهرله كارت واحد بس ونختار ابسط واحد فيهم ، اول ما يتمرسه كويس نبدأ ف الكارت التاني وبتدريج الصعوبة ، وهكذا الطفل عمره ما هيزهق ولا هيمل و دايما هيحس بتحدي وحب ف انجاز المهمة ، وكل ما ينجزها صح هيحس بنجاح و نزود ثقته ف نفسه 

المزيد...